Трамп се жали на предизборно „зло“ од окружна судијка
Поранешниот американски претседател Доналд Трамп ја нарече окружната судијка Тања Чуткан „најголемо зло“ поради тоа што објави 1.889 страници со докази од специјалната истрага за неговата вмешаност во обидот да ги отфрли резултатите од изборите во 2020 година.
Врховниот суд пресуди дека Трамп не може да биде гонет поради дејства додека бил претседател, поради што актуелниот републикански кандидат оцени дека објавувањето на документите е обид да му се наштети спроти изборите на 5 ноември.
Коментирајќи го непишаното правило обвинителите да избегнуваат какви било постапки што би влијаеле врз изборите во рок од 60 дена пред гласањето, судијката Чуткан изјави дека „ќе влијаела врз изборите ако ги чувала во фиока документите“.
– Ако судот ги прикриваше информациите што јавноста има право да ги има на увид поради потенцијалните политички последици, необјавувањето би било мешање во изборите – тврди окружната судијка.
Чуткан лани добивала смртни закани од жена во Тексас токму поради „лошиот однос“ кон поранешниот претседател.
Новите документи објавени во петокот вклучуваат транскрипти од интервјуа со членови на комитетот од Претставничкиот дом што го истражуваше упадот врз Капитол Хил, делови од автобиографијата на тогашниот потпретседател Мајк Пенс и електронски писма со барање за донации адресирани до гласачи. Документите содржат информации како Трамп ненадејно го влошил односот со Пенс, откако потпретседателот отворено го повикал да престане да ги оспорува без основа резултатите од изборите.
ПОВРЗАНИ ВЕСТИ
(Видео) Студентските пратеници пристигнаа пред српското Собрание…
Кандидатите за пратеници од Студентската листа пристигнаа…
Мелбурн се извини откако го забрани старото…
Градскиот совет на Мелбурн ѝ се извини…
(Видео) Кравите шетаат и во училишниот двор…
Градоначалникот на Крива Паланка, Сашко Митовски, објави…
НА ДЕНЕШЕН ДЕН: 35 години од донесувањето…
Македонија денеска одбележува 35 година од донесувањето…
Бугарија и Романија одбележуваат 20 години од…
Дваесетгодишнината од пристапувањето на Бугарија и Романија…