Трамп се шегувал дека ќе го прогласи Ормускиот Теснец за територија на САД

Претседателот на САД Доналд Трамп изјави дека наскоро ќе го прогласи Ормускиот Теснец за територија на САД.

-Откако го победивме, многу наскоро ќе го прогласам Ормускиот Теснец за територија на Соединетите Американски Држави. Тоа е вистина, рече тој вчера со насмевка на политички настан во полициска академија во сојузната држава Њујорк.

Сепак, претставник на Белата куќа подоцна, според „Волстрит журнал“, изјавил дека Трамп се шегувал.

Раководството во Техеран веднаш ги отфрли изјавите на Трамп.

-Ормускиот Теснец бил ирански, е ирански и ќе остане ирански, напиша заменик-министерот за надворешни работи Касем Гарибабади на X.

Тој додаде дека теснецот, кој е од огромно значење за светската економија, ќе биде „отворен и затворен само по наредба на Иран“.

Ормускиот Теснец е една од најважните спорни точки меѓу Вашингтон и Техеран во напорите за ставање крај на војната.

Share on Facebook

Tweet

Follow us

Save