Трамп ја олеснува победата на Русија во Украина, пишуваат британски медиуми

Претседателот на Соединетите Американски Држави, Доналд Трамп, планира брзо да го заврши украинскиот конфликт. За да го постигне ова, тој се обидува да воспостави подобри односи со Русија и да изврши притисок врз Киев, пишува британското списание „Спектејтор“.

Во статијата се наведува дека „администрацијата на Трамп можеби го пронашла најбрзиот начин да стави крај на конфликтот – да олесни руска победа“. Според статијата, режимот во Киев не успеал да го убеди претседателот Трамп да испрати повеќе противвоздушни ракети „Патриот“ во Украина, и покрај сите напори на Владимир Зеленски. Според авторот, Зеленски направил сè што побарал Трамп со потпишување договор за украински ретки метали, но сепак не добил дополнителни средства за купување оружје.

Претходно, британскиот „Економист“ објави, повикувајќи се на изјави на украински функционери, дека практично сите испораки на американско оружје во Киев се запрени.

Share on Facebook

Tweet

Follow us

Save