Трајановски: Ако е некој против модерно Скопје тоа е советичката група на ВМРО-ДПМНЕ! Повикувам да прекине деструктивноста

Пред неполни десетина дена имавме советнички прашања каде беа објаснети сите состојби во ЈСП, но аргументите на градската администрација не сакаат да се земат во предвид, ако е некој против модерно Скопје тоа е советничката груша на ВМРО-ДПМНЕ, истакна на денешната седница на Советот на Градот Скопје заменик-градоначалникот на Градот, Александар Трајановски.

– Во однос на првата точка на дневен ред, решение за запирање на објавување на пропис на Град Скопје, да се фокусираме на образложението и дека и оваа седница и оваа точка која произлегува од насилничкото однесување на ВМРО-ДПМНЕ, нивните амандмани на последниот ребаланс и во однос на образложението многу убаво е објаснето зошто треба да го стопираме објавувањето на прописот.

Тоа е затоа што како што изгубивме цел месец да објасниме дека амандманите кои беа предложени не можат да бидат вчитани во буџетските ставки и програмите. За тоа беа изгубени две седници, два дена, вонредна седниц аи после ги цепкаме одлуките и ги оставаме јавните претпријатија на милост и немилост.

Денес исто имаме точка на невен ред со која се бараат субвенции за потешкотии на ЈСП, истите субвенции се бараа со буџетот кој беше предложен а кој насилнички го извитоперивте.

Ако е некој против модерно Скопје, ако е против интересите на Градот Скопје тоа е вашата советничка група. Затоа со ова решение за запирање на прописот треба да заврши вашата деструктивност и во иднина да ја поддржувате програмата и градоначалничката на Град Скопје, истакна Трајановски.

Share on Facebook

Tweet

Follow us

Save