Трајановски: Ако СДСМ тргнат по логиката на Мицкоски ќе завршат во опозиција, ако ВМРО-ДПМНЕ продолжи по логиката на Мицкоски никогаш нема да дојде на власт

t

Александар Трајановски, советник во Град Скопје од редовите на партијата „ГРОМ“, не очкеува колегите од советот од редовите на ВМРО-ДПМНЕ заедно со членството и симпатизерите да ја опструираат работата на градоначалничката, бидејќи тие имаат агитирано и гласале за програмата на Арсовска, во која има и нивни предлози и проекти.

-Се надевам дека не е така. ВМРО-ДПМНЕ и други политички субјекти вклучувајки го и ГРОМ ја поддржавме Арсовска во нејзината кандидатура и програма. Ако и ние од ГРОМ бевме „дил ориентед“ требаше први да и го свртиме грбот, но за ГРОМ интересот и потребите на граѓаните се многу поважни. Колегите од советот од редовите на ВМРО-ДПМНЕ заедно со членството и симпатизерите агитираа и гласаа за програмата на Данела Арсовска, а во таа програма има и нивни предлози и проекти. Доколу од сега ја опструираат и блокираат реализацијата на истите, кого навистина тие ќе опструираат и казнуваат? Одговорот е граѓаните на Скопје, особено оние од кои ја барале поддршката пред нецела година, посочува тој.

Според него оставките на директорите и раководителите на градските претпријатија не можат да му наштетат на работењето на Градот, бидејќи како што вели тој, ќе бидат назначени нови и тековната работа ќе продолжи.

-Во оваа ситуација станува збор за поинаков проблем, ќе пробам да поедноставам: Градоначалничката е во право, кадровите решенија за раководители и директори можеби се предложени од политичка партија, но ги назначува и именува градоначалникот на Град Скопје. Кога градоначалник кој со програма победил на избори ќе ве назначи за директор на јавно претпријатие вие станувате реализатор на таа програма во интерес на граѓаните, а не реализатор на евентуалните сомнителни бизниси во интерес на криминогени индивидуалци од партија, подвлекува Трајановски.

Во врска со тоа дали СДСМ треба да побара предвремени избори за градоначалник на Скопје, советникот децидно вели „ако СДСМ тргнат по логиката на Мицкоски ќе завршат во опозиција“.

-Ако ВМРО-ДПМНЕ продолжи по логиката на Мицкоски никогаш нема да дојде на власт. Сметам дека премногу партиски акцент се става на Град Скопје како институција. Да потенцираме или да повториме уште еднаш дека Данела Арсовска беше надпартиски кандидат на повеќе политички и граѓански субјекти, за време на кампањата тоа им одговараше, а зошто сега не? Ова е само уште едена од низата неконзистентни политики на „лидерот на опозицијата, посочува тој.

За изјавата на Арсовска во која вели: „Градот Скопје е град на сите Скопјани, за тоа сите носители на овие раководни функции во градот се должни да даваат отчет пред граѓаните, а не пред партиските лидери. Скопје мора да биде модерен град, град на сите Скопјани“,Трајановски посочува дека „девијацијата и дефектот е во наметнувањето на партиската моќ и влијание во институциите и секако оние кои мислат дека партијата е пред институциите и граѓаните“.

-Градоначалник се бира на непосредни избори од страна на граѓаните, затоа директорите или вршителите на јавни функции назначени од градоначалникот треба и мора да одговараат пред градоначалникот, а следствено со тоа одговаарат и пред граѓаните. Ова не се зборови на Арсовска, ова се одредби од законот за Јавните претпијатија и секако дел од статутите на Јавните претпријатија. Девијацијата и дефектот е во наметнувањето на партиската моќ и влијание во институциите и секако оние кои мислат дека партијата е пред институциите и граѓаните. Не гледам проблем во назначувањето, тоа се понудени решенија за раководни позиции кои биле прифатени, но исто така не гледам проблем и во разрешувањето, бидејќи тоа се менаџерски раководни позиции кои се евалуираат врз основа на сработеното, а не блискоста, лојалноста и исполнителноста кон партискиот лидер.Што се однесува до Гол ПР, тоа е кога лице без никаква јавна функција освен лидер на опозициска партија гостува по медиуми и најавува тендери за купување автобуси, оди по градови и општини, дава изјави за некакви тековни проекти и изградба на игралишта, локални патчиња и канализации, а притоа нема никакво својство, ингеренции, а уште помалку придонес за истото, посочува тој.

Извор: Локално

ПОВРЗАНИ ВЕСТИ

МВР со важен апел до родителите: Препознајте…

Министерството за внатрешни работи упатува апел до…

Унгарија ќе го повлече ветото за отворање…

Унгарија се очекува да го повлече ветото…

ММФ: Вештачката интелигенција го поттикнува светскиот економски…

Вештачката интелигенција во 2026 година за првпат…

Трамп го смени шефот за сајбер-безбедност по…

Директорот за национална сајбер-безбедност на Белата куќа,…

Денес се празнува Светиот маченик Јерон со…

Роден е во градот Тијана кападокиска од…