Три млади девојки подметнале 18 пожари „од досада“ во Виена

Виенската полиција откри серија пожари што предизвикаа страв кај локалните жители во неколку градски општини, а зад нив стојат три девојки, кои доброволно се предадоа и ги признаа злосторствата, наведувајќи дека подметнале 18 пожари „од досада“ во текот на ноември.

Две 18-годишни девојки и едно 17-годишно девојче се осомничени за подметнување пожари во виенските општини.

Две од нив беа уапсени во Херналс, додека третата доброволно се јави во полиција истиот ден. Сите три се изјаснија за виновни во истрагата, а полицијата вели дека мотивот за подметнување 18 пожари во текот на ноември бил „досада“, објавува РТС.

„Форензичката работа разјасни 18 случаи на подметнување пожар со штета во шестцифрена сума“, изјави портпаролката на полицијата, Јулија Шик.

Девојките се приведени додека истрагата продолжува и, според полицијата, тие најчесто предизвикале помали пожари, како што е подметнување пожар во контејнери.

Share on Facebook

Tweet

Follow us

Save