Турција и Русија ги поврзуваат заеднички проекти, Анкара ќе продолжи со политиката на рамнотежа

Турција и Русија ги поврзува соработка, Анкара ќе продолжи со политиката на рамнотежа.

Турција и Русија имаат заеднички проекти кои ги поврзуваат, а Анкара ќе продолжи да води балансирана политика, изјави турскиот претседател Реџеп Таип Ердоган.

„Го знаете нашиот пристап кон процесот од самиот почеток. Овде се залагаме за менаџирање на тој процес, следејќи политика на рамнотежа. Оваа политика ќе ја продолжиме и во иднина. Затоа сега имаме одредени врски со Русија. Денеска од таму добиваме околу 40 проценти од природниот гас што го користиме. Од друга страна, во моментов се работи на електраната ‘Акују’. Четвртата единица ќе биде пуштена во употреба во следните неколку месеци, можеби во јули. Се надеваме дека со стартот на четвртиот блок ќе се забрза работата на таа електрана и дека ќе почне со работа во 2023 или 2024 година. Мојот министер за енергетика и природни ресурси тоа внимателно го следи“, изјави Реџеп Таип Ердоган на новинарите по враќањето од самитот на НАТО во Мадрид.

Според него, Анкара и Москва имаат односи и контакти во сферата на одбранбената индустрија.

„Сите овие прашања не поврзуваат. Затоа ќе ги продолжиме тие односи со Русија и Украина, ќе ја продолжиме таа избалансирана политика. Сакаме нашата дипломатија да не трпи“, рече Ердоган.

Share on Facebook

Tweet

Follow us

Save