Турција не смее да биде принудена да прави избор меѓу Русија и Украина

Турција не може да биде принудена да направи избор меѓу Русија и Украина, изјави денеска шефот на Одделот за комуникации во администрацијата на турскиот претседател, Фахретин Алтун.

-Турција останува важен фактор за стабилизација во регионот на Црното Море, а разговорите во Истанбул се важна основа врз која конфликтните страни можат да постигнат договор за прекин на огнот и мир во Украина, рече Алтун, пренесен од Анадолија.

Алтун потсети дека турскиот претседател Реџеп Таип Ердоган постојано комуницира со рускиот претседател Владимир Путин и со украинскиот претседател Владимир Зеленски и дека шефовите на дипломатиите на двете земји,  организирани од Турција, се сретнале на Дипломатскиот форум во Анталија, а нивни делегации во Истанбул, наведуваат руските медиуми.  (МИА)

Share on Facebook

Tweet

Follow us

Save