Турција се подготвува да ги ратификува воените договори со Македонија, Албанија и Косово

Турција забрзано се подготвува да ги ратификува воените рамковни договори потпишани со Македонија, Косово и Албанија, јавуваат грчките медиуми.

Турскиот претседател Реџеп Таип Ердоган ги иницираше овие договори со цел да воспостави посилно турско воено присуство во регионот, пренесува „Nordic Monitor“.

Договорите што Турција и нејзините партнери ги склучија укажуваат дека ќе соработуваат во низа воени и одбранбени области, вклучително обука и образование, заеднички вежби, соработка во одбранбената индустрија, размена на разузнавачки информации, логистичка поддршка, медицински услуги, сајбер одбрана, мировни мисии и борба против нагазни мини и импровизирани експлозивни направи.

Според „Nordic Monitor“, договорите ја олеснуваат размената на персонал, заедничкото истражување во воената наука и технологија и оперативната соработка во хуманитарната помош и мисиите за помош при катастрофи.

Турскиот претседател брзо ги испратил договорите до турскиот парламент. Слични пактови обично бараат долги процеси на ревизија. Договорите се дел од пошироката стратегија за зајакнување на одбранбената соработка на Турција со соседните и сојузничките држави за да се спротивстави на регионалните безбедносни закани.

Share on Facebook

Tweet

Follow us

Save