УБИСТВО ВО СРЕДНО УЧИЛИШТЕ ВО ГЕРМАНИЈА: 18 годишник убил своја соученичка

18-годишна девојка денеска е убиена додека била на училиште во местото Сент Леон-Рот во областа Хајделберг во југозападна Германија, соопшти локалната полиција.

Полицијата првично објави дека осомничениот убиец, исто така ученик во училиштето, моментално е во бегство, велејќи дека нема опасност за другите луѓе во училиштето.
Осомничениот убиец, исто така 18-годишник, побегнал од областа, но полицијата го фатила по двоиполчасовна потера, соопштија властите.

Властите се сомневаат дека врската меѓу девојката и осомничениот можеби има улога во убиството. Масовната полициска акција следувала откако бил вклучен алармот во училиштето каде потоа биле испратени бројни полициски возила, спасувачка служба и хеликоптер. Училиштето е евакуирано, а учениците се пренесени на безбедно место, се наведува во полициското соопштение.

Приватното средно училиште во е основано во 1998 година недалеку од градот Хајделберг на иницијатива на родителите. Според податоците од училиштето во него моментно учат 685 ученици, а наставниот кадар го сочинуваат 85 наставници.

Share on Facebook

Tweet

Follow us

Save