Украина ги национализира сите руски имоти во земјата – Ќе се надоместува штетата од воената операција

Премиерот на Украина, Денис Шмигаљ, најави дека Киев ќе го национализира целиот руски имот во Украина за да ги надомести загубите од специјалната операција.

Донесена е законска регулатива за национализација. Тие процеси веќе ги почнавме, несомнено ќе го национализираме целиот руски имот за да надоместиме дел од тие загуби што ни ги нанесува Русија – изјави Шмигаљ за телевизија „Рада“.

Украинската Врховна Рада, на 1 април усвои закон за национализација на имотот на Русите и на оние кои јавно ја поддржуваат специјалната воена операција на Русија.

Законот се однесува на Русите и лицата кои не се државјани на Русија, „но се тесно поврзани со неа, односно имаат живеалиште или се занимаваат со нивната основна дејност“ во таа земја.

Share on Facebook

Tweet

Follow us

Save