Украина загуби борбен авион МиГ-29, пилотот успеа да се катапултира

Украинското воено воздухопловство соопшти дека синоќа изгубило борбен авион МиГ-29 за време на извршување борбена задача во Полтавската област.

Според официјалното соопштение, пилотот успеал навреме да се катапултира и безбедно да се спаси.

По катапултирањето, пилотот воспоставил контакт со службата за пребарување и спасување, по што бил пренесен во медицинска установа за дополнителни прегледи.

Загубата на авионот се случила истата ноќ кога Русија извршила голем напад со беспилотни летала врз Украина.

Украинското воздухопловство информираше дека во нападот биле лансирани 129 дронови, од кои 113 биле соборени или неутрализирани со системи за електронско војување.

Засега не се соопштуваат дополнителни детали за причините за губењето на авионот.

Share on Facebook

Tweet

Follow us

Save