Украина лансирала 660 дронови кон Русија и Крим откако Зеленски најави 40-дневна операција на притисок

Руската војска кажа дека пресретнала 660 украински дронови во еден од најголемите напади врз Русија и окупираниот полуостров Крим од почетокот на војната. Мета биле 12 руски региони, Крим, Црно Море и Азовско Море, објави руското министерство за одбрана.

Во обид да го сврти текот на војната, Украина ги засили нападите со дронови со долг дострел, гаѓајќи енергетска инфраструктура и ланци за снабдување во Русија и на Крим.

Денешниот голем напад уследи неколку часа откако Володимир Зеленски кажа дека наредил „40-дневна операција на притисок со цел да се принуди Русија да ја заврши војната, откако мировните напори на САД не донесоа никаков пробив.

Рускиот независен медиум објави дека во градот Новомосковск во регионот Тула биле погодени хемиска фабрика и хидроелектрана. Во други извештаи погодената фабрика беше именувана како „Азот“, која Зеленски ја опиша како клучна за производството на експлозиви во Русија.

Градоначалникот на Москва, Сергеј Собјанин, изјави дека 47 украински дронови биле соборени додека летале кон градот.

Share on Facebook

Tweet

Follow us

Save