INFOMAX.MK

Украинското Министерство за надворешни работи ги негираше руските обвинувања дека украинските сили подготвуваат напади со беспилотни летала врз Русија од територијата на Латвија, објави Ројтерс, цитиран од БТА. Министерството ја обвини Москва за „уште еден сет лаги“.

„Украина не ја користи ниту територијата ниту воздушниот простор на Латвија во своите операции против Русија и нема намера да го стори тоа“, изјави портпаролот на украинското Министерство за надворешни работи, Георги Тихи, во статија на Х.

There is no truth in Moscow’s latest set of falsehoods accusing Ukraine of preparing attacks against Russia from the territory of Latvia. We officially refute them.

Ukraine does not use the territory or airspace of Latvia in its operations against Russia and does not intend to…
— Heorhii Tykhyi (@SpoxUkraineMFA) May 19, 2026

Порано денес беше објавено дека, според Руската служба за надворешно разузнавање (SVR), Украина подготвува напади врз Русија од територијата на Латвија. На овој начин, украинскиот претседател Володимир Зеленски е решен да ѝ го демонстрира на Европа „наводно зачуваниот“ борбен потенцијал на вооружените сили на Украина, посочи и SVR.