Украина почна да ја користи касетната муниција

Украинските сили почнаа да користат касетна муниција испратена од САД, објави Вашингтон пост, повикувајќи се на неименувани украински претставници запознаени со ситуацијата.

Весникот забележува дека Украина ги користи на југоисточниот дел на фронтот во обид да ги пробие добро утврдените позиции на руските сили, кои ја забавија украинската контраофанзива, а може да ги искористат и во областа Артјомовско.

Советникот за национална безбедност на американскиот претседател, Џејк Саливан, на 7 јули објави дека Соединетите Американски Држави ќе ја снабдуваат Украина со касетна муниција. Касетната муниција е забранета со меѓународна конвенција ратификувана од 123 земји, со исклучок на САД и Украина.

Рускиот претседател Владимир Путин изјави дека Москва досега немала потреба од употреба на касетна муниција, но доколку се користи против Русија, го задржува правото да возврати.

Share on Facebook

Tweet

Follow us

Save