Украина “се спука” со Сирија заради признавањето на Доњецк и Луганск: Се прекинуваат дипломатските односи

Министерството за надворешни работи на Украина објави прекин на дипломатските односи со Сирија по одлуката на Дамаск да ги признае Народните републики Доњецк и Луганск.

„Украина прогласува прекин на дипломатските односи со Сирија без прекин на конзуларните односи, во согласност со член 2 од Виенската конвенција за конзуларни односи од 1963 година“, се вели во соопштението.

Покрај тоа, украинската страна ја започна процедурата за воведување трговско ембарго и други санкции против правни и физички лица во Сирија.

Вчера Дамаск ја објави одлуката за признавање на независноста на Народните републики Доњецк и Луганск.

Како што нагласи претседателот на ЛНР, Леонид Пашечник, тоа ќе придонесе за заеднички развој на нови продажни пазари и ќе го забрза воспоставувањето на односи во многу области.

Share on Facebook

Tweet

Follow us

Save