Украина ќе ги добие холандските авиони Ф-16 дури на крајот на 2024 година

Холандските авиони Ф-16 веројатно нема да ѝ бидат испорачани на Украина пред крајот на 2024 година, бидејќи е неопходно холандското воздухопловство целосно да премине кон употреба на нови авиони Ф-35, соопшти портпаролот на холандското Министерство за одбрана.

Минатата недела холандскиот премиер Марк Руте и украинскиот претседател Володимир Зеленски соопштија дека Холандија, заедно со Данска, ќе обезбеди Ф-16 за воените напори на Украина во конфликтот со Русија, а самиот Зеленски истакна дека станува збор за 42 борбени авиони, пишува денеска Холандски Тајмс

На веб-страницата се наведува дека холандските сили располагаат со 42 авиони Ф-16, но ниту еден од нив не е веднаш достапен, а некои од нив се уште се во употреба.

Портпаролот рече дека „се уште е изводливо да се испорачаат овие авиони во текот на 2024 година“, но дека тоа ќе биде можно само кога холандската воена авијација целосно ќе премине на авиони Ф-35.

Привремената министерка за одбрана Кајса Олангрен претходно изјави дека испораката на авиони Ф-16 во Украина не смее да има никакви последици за оперативниот капацитет на Холандија.

Share on Facebook

Tweet

Follow us

Save