Украина ќе добие борбени авиони Ф-16 од Холандија и Данска

Холандскиот премиер Марк Руте изјави дека Холандија и Данска ќе и достават борбени авиони Ф-16 на Украина, штом ќе се исполнат условите за трансфер.

Ова ветување, беше дадено за време на посетата на украинскиот претседател Володимир Зеленски на Холандија. Неколку дена претходно САД одобрија испорака на борбените авиони од Холандија и Данска, штом ќе заврши обуката.

Иако Холандија не соопшти колку авиони Ф-16 ќе им испрати на Украинците, Зеленски на Твитер напиша дека се договориле да бидат испратени 42 авиони.

„И тоа е само почеток“, напиша Зеленски.

Украинскиот министер за одбрана Олексеј Резников во саботата изјави дека обуката на украинските пилоти за летање со авиони Ф-16 е започната, но додаде дека ќе бидат потребни најмалку шест месеци, а можеби и подолго, бидејќи треба да се обучуваат и инженери и механичари.

Share on Facebook

Tweet

Follow us

Save