Украина ќе добие нови пакети поддршка од партнерите

Претседателот Володимир Зеленски најави нови пакети за поддршка што Украина ќе ги добие од партнерите по Минхенската безбедносна конференција.

„Главната работа се ракетите за воздушна одбрана, за балистичка заштита. Ова е прашање број еден оваа зима“, нагласи Зеленски, најавувајќи состаноци и работа на нови енергетски пакети за следната недела.

Тој рече дека Киев нема да ја повтори грешката од 2014 година и нема едноставно да им ја предаде својата територија на Русите.

Кирил Дмитриев, специјалниот претставник на рускиот претседател, истакна дека Зеленски не бил прашан за корупцијата во Украина во Минхен. Според него, корупцијата во Украина за време на вооружениот конфликт се проценува на 50 милијарди долари. Западните земји мора да го обноват дијалогот со Русија и нејзиниот претседател Владимир Путин, изјави словачкиот премиер Роберт Фицо по средбата со американскиот државен секретар Марко Рубио во Братислава.

Тој предупредува дека ако лидерите на ЕУ не воспостават контакт, нема да можат да зборуваат за својот интерес за прекин на конфликтот во Украина. Рубио, кој ја посети и Будимпешта, нагласува дека САД не сакаат Европа да биде вазал, туку сакаат силно партнерство.

Share on Facebook

Tweet

Follow us

Save