Украинка и Русин ИЗБЕГАЛЕ ОД ВОЈНАТА И СЕ ВЕНЧАЛЕ во Мексико (ВИДЕО)

Русин и Украинка, бегалци од Украина, се венчале на мексиканско-американската граница.

Украинката Дарија Сахнјук и Русинот Семен Бобровски, баратели на азил во САД, се венчале на мала церемонија во матичната служба на мексиканскиот пограничен град Тихуана.

„Многу сум среќна што запознав многу добри луѓе, кои ни помогнаа да организираме венчавка овде во Мексико, во Тихуана“, рече Сахнјук, пренесува BBC.
И двајцата живееле во Украина пред конфликтот и планирале да се венчаат во Киев, изјавиле за ТВ Телемундо, пренесува британската мрежа.

По церемонијата, парот го прославил 27-от роденден на Дарија на традиционален мексикански начин.

Според градскиот совет на Тихуана, двајцата дошле во Мексико пред две недели.

Семен не можеше да побара азил во САД, поради имиграциското правило, според кое им е дозволено само на граѓаните на Украина кои бегаат од конфликтот.

Сега кога се ожени со Украинка, парот се надева дека ќе им биде дозволено да влезат во САД и да се сместат во Њујорк.

Share on Facebook

Tweet

Follow us

Save