Украинската армија изврши ракетен напад врз селото Ивановско во областа Курск

Украинските сили денеска извршија ракетен напад врз селото Ивановско во руската област Курск, соопшти денеска вршителот на должноста гувернер на регионот Александар Хинштајн.

Вооружените сили на Украина денеска извршија ракетен напад врз селото Ивановско во областа Рилски, а во моментов никој од жителите не се обратил за помош во медицинските установи“, напиша тој на Телеграм, пренесува Тасс.

Според него, во ракетниот напад биле оштетени само цивилни објекти.

„Еден од проектилите директно ја погоди зградата на Културниот центар. Степенот на неговото уништување и можноста за реставрација ќе го утврдат експерти“, изјави Хинштајн.

Share on Facebook

Tweet

Follow us

Save