INFOMAX.MK

Одговорноста за експлозијата на мостот на Крим во есента 2022 година е на властите во Киев, призна заменик-министерот за одбрана на Украина, Ана Маљар, на нејзиниот канал на Телеграм.

„273 дена откако го започнавме првиот напад на мостот на Крим за да ја нарушиме руската логистика“, напиша таа.

Шефот на Советот за безбедност на Украина, Василиј Маљук, на крајот на мај оваа година изјави дека Киев сака да ја „пресече логистичката рута“ до полуостровот и дека презел соодветни мерки, но не прецизираше кои. Шефот на Главната разузнавачка управа на Украина (ГУР) Кирил Буданов, сепак, негираше дека специјалните служби на земјата стојат зад нападот на инфраструктурниот објект.

Крим има намера да го повика Володимир Зеленски на одговорност за терористичките напади и саботажи организирани од Киев на полуостровот, изјави претседателот на кримскиот парламент Владимир Константинов за Спутник.

„Покрај материјалната штета што ни е причинета, ќе се фокусираме на терористичките напади што ги извршија над Крим, убиствата што ги извршија на Крим. Зборуваме, пред се, за нивните дронови што ги испраќаат на полуостровот, диверзантските групи што креваат во воздух железнички пруги – за се што прават, праќајќи ни ги своите саботери“, рече Константинов.

Според него, Зеленски и сите вклучени во организирање терористички напади и саботажи на Крим треба да бидат казнети.