INFOMAX.MK

Државната поштенска служба на Украина издаде поштенска марка со која се слави уривањето на мостот на Крим што се случи минатиот месец, пишува Гардијан.

Датумот на издавање на марката е симболичен бидејќи Русија го слави Денот на единството на 4 ноември. Овој потег наиде на одобрување и ентузијазам низ цела Украина.

Our bridge is standing strong, their bridge is as tired as their ideology. Was happy to launch “Crimean Bridge” stamp with @rustem_umerov on Kyiv bridge. Today 8 years, 8 months, 8 days as russians began their attack and hope our victory is less than 8 months ahead. @OlKubrakov pic.twitter.com/86Aprbro9p
— Igor Smelyansky (@smelyansky_igor) November 4, 2022

Кримскиот мост беше изграден за да ја поврзе Русија со територијата што незаконски ја анектираше во 2014 година, а мостот беше симбол на континуираното влијание на Русија на Крим.

Владимир Путин лично го отвори за сообраќај во 2014 година. Сепак, за Украинците мостот беше постојан потсетник на руската окупација и нивната неспособност да им се спротивстават. Во времето на отворањето на мостот, Русија се сметаше за трета по големина воена сила во светот.

Поштенската марка е дизајнирана од украинскиот уметник Јуриј Шаповал и го прикажува мостот на Крим во облак од темен чад. Во морето под мостот беше прикажана позната сцена од филмот Титаник во која главните актери Кејт Винслет и Леонардо ди Каприо стојат на лакот на бродот. Уметникот мислеше на руското тврдење дека мостот не може да потоне, што некогаш се велело за Титаник.