Украинска пратеничка: Со купување на руска нафта финансирате силувања и убиства

Годинашниот Светски економски форум (СЕФ) ќе се одржи од утре до четврток во Давос, а првиот говор на СЕФ годинава му е препуштен на украинскиот претседател Володимир Зеленски, иако тој ќе се реализира онлајн.

Војната во Украина, пандемијата на коронавирусот и климатските промени се доминантните теми на годинашниот СЕФ. Покрај Зеленски, како гости на форумот се очекува да се обратат и градоначалникот на Киев Виталиј Кличко и неговиот брат Владимир.

Украинската пратеничка и членка на украинската делегација на СЕФ, Ивана Климпуш за „Sky News“ изјави дека потпирањето на Европа на руската нафта и гас ги финансира силувањата и убиствата на украинските деца.

Таа додаде дека Западот мора да го прекине својот вообичаен бизнис со Русија и повика на снабдување на Украина со што е можно повеќе оружје и целосно ембарго на руската енергија.

Исто така, на форумот светските лидери, бизнисмени, политичари и аналитичари ќе разговараат и за последиците од војната врз синџирите за снабдување, снабдувањето со енергија и безбедноста на храната.

Share on Facebook

Tweet

Follow us

Save