Украинскиот премиер бара брзо да се стави крај на војната: Времето работи за Русија

Украинските сојузници треба да направат се за да помогнат брзо да се стави крај на руската инвазија бидејќи Москва е подготвена да продолжи да се бори долг период, изјави украинскиот премиер Денис Шмихал.

„Разбираме дека времето ќе игра на страната на Русија, па ние, сите заедно со нашите сојузници, со нашите партнери“ треба да дадеме се од себе „за да ја завршиме оваа војна што е можно поскоро“, изјави Шмихал за ТВ Блумберг во интервју во Брисел. Русија „е заинтересирана да оди подолго време, да одвои повеќе време“, што е „предизвик за сите нас“, додаде тој.

Украина постигнува некои воени успеси во нејзините јужни региони, како и на север, рече Шмихал без да наведе детали, изразувајќи надеж дека нацијата ќе може да ја ослободи целата своја територија во меѓународно признатите граници, вклучувајќи го и Крим.

Share on Facebook

Tweet

Follow us

Save