Украински напад со дрон во Курск, има жртви

Една жена е убиена, а 10 други се повредени во ноќен напад од украински дрон врз станбена зграда во Курск, изјави вршителот на должноста гувернер на рускиот Курски регион, Александар Хинштејн.

Тој додаде дека нападот врз станбената зграда во областа Железнодорожни во Курск предизвикал пожар, при што четирите горни катови биле зафатени од пламен, кој оттогаш е изгаснат, објави Интерфакс.

Претходно беше објавено дека една жена е убиена, а шест лица се повредени по украинскиот напад во Курск, соопшти агенцијата.

Руското Министерство за одбрана објави дека силите за воздушна одбрана собориле 53 украински беспилотни летала во текот на ноќта над девет руски региони и Азовското Море.

Share on Facebook

Tweet

Follow us

Save