INFOMAX.MK

Детскиот фонд на Обединетите нации (УНИЦЕФ) повика на итен прекин на непријателствата во Појасот Газа по продолжувањето на воените операции на палестинската територија, апелирајќи до странските и влијателни земји да го обезбедат тоа.

„Мора да се спроведе траен прекин на огнот. Алтернативата е незамислива за луѓето кои веќе живеат во кошмар“, рече портпаролот на УНИЦЕФ Џејмс Елдер.

Тој оцени дека „отсуството на акција е суштинско одобрување за убивањето деца“.

Според податоците на министерството за здравство во Газа, со прекинот на огнот кој стапи на сила на 27 ноември загинаа повеќе од 15.000 луѓе, а меѓу нив 6.150 деца, што претставува 41 отсто од жртвите.

Во саботата здравствените власти соопштија дека бројот на загинати надмина 15.200, а 70 отсто од вкупниот број загинати се жени и деца.

„Длабоко вознемирувачки е да се слушне како некои можат да ја превидат трагичната смрт на илјадници и илјадници деца во Газа, и сега се чини дека се помируваат со ужасите затоа што продолжуваат нападите. Да се прифати жртвувањето на децата во Газа значи да се откажеме од човештвото“, им рече Елдер на новинарите во Женева.