Управител на фирма од Новаци доби пријава за злоупотреба на службена должност – оштетен буџетот за над 549.000 денари

СВР Битола поднело кривична пријава против М.Т.(47) од Битола поради постоење основи на сомнение за сторено кривично дело „злоупотреба на службената должност и овластување“.

Како што се наведува во полицискиот билтен, пријавениот, во својство на управител на правно лице од село Новаци, на 29.05.2023 и на 29.12.2023 склучил договори за привремено вршење на услуги во однос на јавни набавки за вкупен период од 19 месеци со вработена на која работниот однос во правното лице било со решение за мирување на работен однос од 02.05.2023, и покрај тоа што во правниот субјект биле вработени две лица со валидни сертификати за лица за јавни набавки.

На тој начин пријавениот го оштетил буџетот на правниот субјект во износ од 549.060 денари.

Share on Facebook

Tweet

Follow us

Save