Урсула Фон дер Лајен од Приштина: Белград мора да го прифати де факто признавањето на Косово!

Претседателката на Европската комисија, Урсула фон дер Лајен, во Приштина, која ја посети како дел од четиридневната посета на Западен Балкан, рече дека „Косово и Србија треба да се ангажираат за Приштина да ја олесни процедурата за прифаќање на Заедницата на Српските општини“, и дека Србија, како што наведе таа, „го прифаќа де факто признавањето на Косово“.

На заедничката прес-конференција со претседателката на приштинските институции, Вјоса Османи, за „напредокот на Косово и Србија кон ЕУ“, претседателката на ЕК посочи дека „тоа е можно само доколку ги нормализираат своите односи“, пренесува Косово онлајн.

„Секако дека има одредени полиња каде треба да се ангажираат двете страни, да соработуваат, го повикуваме Косово да ја олесни процедурата за прифаќање на ЗСО, која останува како нацрт, а Србија мора да прифати де факто признавање. Дијалогот на ЕУ е фокусиран на разговори, тоа е начинот да се оди напред“, рече Фон дер Лајен.
Фон дер Лајен рече дека најостро го „осудува нападот од 24 септември“ во Бањска.

„Ваков напад е целосно неприфатлив. „Тоа е во спротивност со вредностите на ЕУ и сторителите треба да бидат изведени пред лицето на правдата“, рече таа.
Таа рече дека „Косово напредуваше во последниот период“ и ѝ честиташе за „напорите за зајакнување на демократијата“.
Таа потсети дека „ЕУ ја поддржа визната либерализација за Косово“.

Share on Facebook

Tweet

Follow us

Save