УХМР најавува пороен дожд, локално невреме и засилен ветер

Утре времето ќе биде променливо облачно, од пладневните часови и нестабилно, на повеќе места со пороен дожд и грмежи, информираат од Управата за хидрометеоролошки работи.

Локално процесите ќе бидат во форма на невреме со интензивен пороен дожд, силен ветер и услови за појава на град.

Долж Повардарието повремено ќе засилува северен до северозападен ветер.

Во четврток нестабилноста ќе се намали и особено претпладне ќе има услови за локална изолирана нестабилност, а ќе продолжи да дува засилен северен ветер Повардарието и во источните делови.

Дневната температура преодно ќе опадне и посвежо ќе биде во четврток и петок.

– Во случај на појава на електрични празнења се препорачува поголема внимателност, да не се престојува на отворен простор и под осамени дрвја, стои во соопштението на УХМР.

Share on Facebook

Tweet

Follow us

Save