Уште еден српски функционер оди во притвор!

Судија за претходна постапка од Посебното одделение за сузбивање на корупцијата при Вишиот суд во Нови Сад им одреди притвор до 30 дена на покраинскиот секретар за социјална политика, демографија и родова рамноправност, П. В., и на претседателката на комисијата во тој секретаријат, Д. М., осомничени за злоупотреба на службената положба.

Како што е потврдено за РТС, на осомничениот П. В. му е одреден притвор поради опасност дека би можел да влијае врз сведоците и да го повтори кривичното дело. На осомничената Д. М. притворот ѝ е одреден поради опасност од бегство и можност за влијание врз сведоците.

Против решението за определување притвор е дозволена жалба до кривичниот совет на Посебното одделение за сузбивање на корупцијата при Вишиот суд во Нови Сад.

Покраинскиот секретар за социјална политика, демографија и родова рамноправност, П. В., и претседателката на комисијата во истиот секретаријат, Д. М., беа уапсени под сомнение дека со злоупотреба на службената положба го оштетиле буџетот на автономната покраина Војводина за 130,9 милиони динари.

Share on Facebook

Tweet

Follow us

Save