Уште една земја го повлекува признавањето на Косово, соопшти Дачиќ: Србија чува десет држави во фиока

Уште една земја го повлекува признавањето на Косово, соопшти српскиот министер за надворешни работи, Ивица Дачиќ.

Тоа е десеттата земја што ја промени својата одлука, а се наоѓа на списокот што Србија се уште не го обелодени. Оваа информација ја потврди министерот за надворешни работи Ивица Дачиќ, најавувајќи дека Србија ќе ги интензивира дипломатските дејствија во однос на признавањето на Косово.

На прашањето зошто сè уште не се објавени имињата на оние кои решиле да го повлечат признавањето, Дачиќ одговори:

„Прво, ја почитуваме нивната позиција и не сакаме да ги изложуваме на каков било притисок од Приштина, особено од нејзините сојузници. Мора да бидеме внимателни. Второ, со Вашингтонскиот договор презедовме обврска да ја прекинеме иницијативата за признавање и сакавме да покажеме дека се држиме до она што го потпишавме. Меѓутоа, Приштина не го прави тоа. Разликата во односот кон преземените обврски е суштинска и секој што посредува многу добро знае кој е сериозен партнер, а кој лажго“.

Share on Facebook

Tweet

Follow us

Save