Уште едно грозоморно убиство во Бугарија, убиена е жена

Уште еден случај на насилство врз жена, завршил фатално во Бугарија. 40-годишната Анита Димитрова била пронајдена мртва во саботата во домот на нејзиниот сопруг. 41-годишниот Димитар Димитров е приведен поради сомнение за убиство.

Телото на жртвата било пронајдено во станот на осомничениот. Имала повеќе повреди. На мажот му е одреден притвор до 72 часа. Тој беше обвинет за убиство со умисла. Доколку биде прогласен за виновен, му се заканува затворска казна од 10 до 20 години.

Димитар Димитров, обвинет за убиството во Перник, му се јавил на таткото на сопругата Анита велејќи дека „нешто лошо се случило“.Потоа, едно од двете деца на семејството, кои живеат со нивните баба и дедо, го пријавиле убиството во полиција, открива брифингот на обвинителството во градот.

Според високиот комесар Павел Млеканов, директор на Регионалната дирекција на МВР, самата специфичност на случајот сугерира дека е сторено тешко кривично дело во кое имало умисла. „Дали убиството е извршено во состојба на афект е друго прашање“, нагласи тој.

Обвинителството потенцираше дека како обвинет Димитар Димитров го искористил правото да не дава објаснувања. „Пред роднините кои дошле на местото во станот изјавил дека не го сторил делото“, изјави портпаролката на Окружното обвинителство во Перник, Албена Стоилова.

Share on Facebook

Tweet

Follow us

Save