ФБИ објави нови документи за атентатот на Џон Кенеди

Американското ФБИ откри околу 2.400 нови некласифицирани документи за атентатот на 35. американски претседател Џон Кенеди, објави порталот „Аксиос“, повикувајќи се на извори.
ФБИ, наводно, ги открил документите, кои никогаш не биле доставени до комисијата одговорна за разгледување и објавување на овие документи, откако Белата куќа неодамна нареди објавување на сите досиеја поврзани со атентатот во 1963 година.

Не е јасно што има во новооткриените документи, а ФБИ наводно има околу 14.000 страници доверливи документи. Другите досиеја останаа тајна до сега поради загриженост за националната безбедност, со одобрение на комисијата.
Американската влада беше обврзана со закон целосно да ги декласифицира документите за атентатот на Кенеди до 2017 година. Минатиот месец, американскиот претседател Доналд Трамп издаде извршна наредба со која нареди објавување на сите преостанати доверливи документи поврзани со атентатот.

Share on Facebook

Tweet

Follow us

Save