Фидан: Израелскиот експанзионизам е клучниот безбедносен проблем во регионот

Турскиот министер за надворешни работи Хакан Фидан денес изјави дека израелскиот експанзионизам останува примарно безбедносно прашање во регионот.

– Израелскиот експанзионизам останува главен проблем на стабилноста и безбедноста во нашиот регион. Проблемот со кој се соочуваме во Заливот не треба да нè натера да го заборавиме прашањето за Газа, рече Фидан во Доха, за време на заедничката прес-конференција со катарскиот премиер и министер за надворешни работи, шеикот Мохамед бин Абдулрахман Ал Сани, објави Анадолу.

Според Фидан, „спречувањето на употребата на Ормутскиот теснец како оружје е важно не само за регионалната стабилност, туку и за глобалната економија“.

Ал Сани, од своја страна, го обвини Израел за злоупотреба на хуманитарната помош.

„Катар и Турција ги поддржуваат напорите на Пакистан да посредува за завршување на војната и повторно отворање на Ормутскиот теснец. Израел продолжува да го крши прекинот на огнот во Појасот Газа и да ја користи хуманитарната помош како оружје“, рече Ал Сани.

Share on Facebook

Tweet

Follow us

Save