Филипче: Во мојот мандат отворивме нов дијагностички центар и набавивме врвен инсулин
„Како и додека бев министер за здравство и како пратеник во иднина ќе се залагам терапијата за дијабетичарите да биде навремена и секому достапна, дури и за време на најголемата здравствена криза во поновата историја“, истакна д-р Венко Филипче кој како носител на листа на кандидати за пратеници на СДСМ и Коалицијата за европска иднина се сретна со лица со дијабетес од Радовиш и околните региони.
Филипче потсети дека во времето додека тој беше министер беа направени клучни промени во терапијата за лицата со дијабетес: укинување на паралелниот увоз на инсулин, набавка на три нови типови на инсулин, нов дијагностички центар за дијабетес на Клиниката за ендокринологија.
„Ќе продолжам да се залагам за најсовремена терапија и дијабетичарите никогаш да не останат без терапија и без ленти, игли, гликемери. Ќе се залагам за повторно организирање на јавни едукации и трибини во насока на подигнување на свеста за лицата со дијабетес“, рече Филипче.
Филипче порача дека ваквата непосредна комуникација со различните групи ќе продолжи да ја негува и во иднина и додаде дека благодарение на соработката со граѓанските организации и здруженијата на дијабетичарите, развил партнерски однос со нив за подобрување на условите и квалитетот на животот на лицата и децата со дијабетес.
ПОВРЗАНИ ВЕСТИ
(Не)успешно разоружување на Србија – Бројот на…
Една година по акцијата за разоружување на…
Запленетото оружје од фронтот во Украина атракција…
Западните тенкови и воената опрема запленети од…
Небензја бара меѓународна истрага за случувањата во…
Неопходна е независна меѓународна истрага за откриените…
Гордана Силјановска ќе ја почитува „Северна“ и…
Не планирам да ги тргам таблите со…
Маричиќ: 20 години од големото проширување на…
„Денес ЕУ го прославува 20-годишниот јубилеј на…