Филипче: Како иден претседател ќе го искористам целиот човечки потенцијал на партијата

t

Во текот на вчерашниот ден имав одлични средби со членовите во Карпош и Ѓорче Петров. Во отворен разговор ја презентирав програмата, но и моите ставови во однос на клучните партиски прашања кои во моментов се наметнуваат во јавноста, соопшти кандидатот на претседател на СДСМ, Венко Филипче.

– Често слушам дека се потребни целосно нови луѓе во СДСМ, а старите требало да си заминат. Ова според мене е погрешен пристап. Со ваков пристап се етикетира и исклучува огромно мнозинство на луѓе кои дале придонес во минатото.

Јас сметам дека секако нови луѓе се потребни. Ако бидам избран за претседател ќе развијам модел на привлекување квалитетни кадри, на млади и независни експерти кои ќе донесат свежина.

Но, да не заборавиме дека СДСМ е партија со голема историја. Во изминатите 30 години во и околу СДСМ гравитирале врвни професионалци, социјалдемократи и интелектуалци кои никако не смееме да ги отпишеме.

Како иден претседател ќе го искористам целиот човечки потенцијал кој го има партијата. СДСМ треба да се отвори за членови на минати раководства, за секој кој искрено сака и може да помогне да ја подигнеме партијата на нозе. Тоа е вистински пристап за обединување.

Им благодарам на сите кои досега ми дадоа поддршка и доаѓаат на средбите, тоа многу ми значи. – напиша Филипче на Фејсбук.

ПОВРЗАНИ ВЕСТИ

Повеќе од 30 членови на СДСМ од…

Повеќе од 30 членови на ОО СДСМ…

Мицкоски: СДСМ и ДУИ си скроија закон…

Во Брисел испративме два закони – Кривичниот…

АНКЕТА: ВМРО-ДПМНЕ со трипати поголем рејтинг од…

Владејачката партија ВМРО-ДПМНЕ ужива убедлива доверба кај…

Мицкоски: Владата на СДСМ отворила пат Мацура…

Секој кој ќе ги исполни условите може…

ВМРО-ДПМНЕ: ЈО не смее да молчи за…

СДС свесно и со умисла создаваат хаос,…