Филипче на средба со Дробњак, лицето кое било главен преговарач на Хрватска за ЕУ

Претседателот на Националниот совет за евроинтеграции и лидер на СДСМ, Венко Филипче, денеска се сретна со хрватскиот експерт Владимир Дробњак, кој беше главен преговарач за пристапните преговори на Хрватска со Европската Унија. 

На средбата беа разменети мислења и искуства во однос на евроинтегративните процеси, предизвиците со кои се соочуваат земјите кандидати и перспективите за понатамошното проширување на Унијата.

Според соопштението, Филипче во разговорот се осврнал на актуелната политичка состојба во државата, како и на како што се навеува, закочениот европски пат на земјата.

Ја истакна потребата од забрзување на евроинтегративниот процес, нагласувајќи дека реформите, внесувањето на малцинствата во Уставот и добрососедските односи остануваат клучни предуслови за напредок на земјата на европскиот пат.

Share on Facebook

Tweet

Follow us

Save