Филипче: Што побрзо да се најдат виновниците за Онкологија, да се симне теретот од чесните лица кои работат на клиниката

За време на моето министерување на Клиниката за Онкологија имплементиравме многу елементи кои сериозно ја подобрија услугата и третманот на онколошките пациенти, вели поранешниот министер Венко Филипче.

– Во однос на скандалот кој излезе треба да се заврши случајот што поскоро, за д асе симне теретот од чесните лица кои си работат на клиниката. Доколку има кривци треба да се најдат и да кажат за што се виновни и да си одговараат.

Министерот е одговорен за креирање на политика, министерот не може да биде одговорен за апликација на терапијата, а единствено во време на моето министерување сите пациенти добија терапија, а од Обвинителството соопштија дека дел од информациите кои се појавија во јавноста не се вистина, вели Филипче кој додава дека никакви индиции немало за било какви недоследности на Онкологија, а доколку имал информации, ќе постапел по истите.

Share on Facebook

Tweet

Follow us

Save