Финале на Евровизија вечерва во Ливерпул: Картите за ВИП ложата изнесуваат неверојатни 4.260 евра

Вечерва во Ливерпул ќе се одржи финалето на 67-то издание на Евровизија, под мотото ,,Обединети од музика”.

Настанот ќе започне со настапот на Австрија, а учествуваат 26 земји. Од регионот, Србија настапува 5-та, Албанија 10-та, а Хрватска 25-та по ред. Македонија, како и Бугарија и Црна Гора нема да учествуват поради економската криза и големите трошоци за учество. Ваква одлука МРТ донесе минатата година.

Според последните резултати во обложувалниците, фаворит е Шведска и претставничката Лорин, со дури 52 проценти шанси за победа. Таа беше евровизиска победничка и во 2012 година.

Зад неа се Финска и Украина.

Минатата година на Евровизија победи Украина, но поради војната не беше во можност да биде организатор, па место неа домаќин е Ливерпул, односно Велика Британија.

МРТ1 ќе врши директен пренос на финалето на Евровизија со почеток од 21 часот.

Share on Facebook

Tweet

Follow us

Save