Финската премиерка ненајавено го посети Киев и се сретна со Зеленски

Премиерката на Финска, Сана Марин, се сретна со украинскиот претседател Володимир Зеленски на ненајавено патување во Киев.

Таа, според локалните власти, ги посетила и опустошените украински градови Ирпин и Буча.

Марин била видена облечена во панцир, како оди со службеници и војници.

Премиерката неодамна ја објави историската одлука на Финска да аплицира за членство во НАТО.

Таа има сесрдна поддршка од САД, но Турција се заканува дека ќе ги блокира и Финска и Шведска – обвинувајќи ги нордиските нации дека засолнуваат курдски милитанти.

Share on Facebook

Tweet

Follow us

Save