ФИФА ќе поведе официјална истрага против репрезентацијата на Аргентина

ФИФА поведе официјална истрага против репрезентацијата на Аргентина поради серијата скандалозни инциденти кои се случија по завршувањето на финалето на Светското првенство, пишува „Би-Би-Си“.

Светската куќа на фудбалот детално ќе ги анализира извештаите на официјалните лица и видео-материјалите од финалниот натпревар меѓу Шпанија и Аргентина, по што ќе донесе одлука за евентуални санкции.

Под најголем лупа се неколку одделни инциденти на стадионот „МетЛајф“. Првиот дел од истрагата е насочен кон хаосот на теренот веднаш по последниот судиски свиреж, каде главни актери беа аргентинските репрезентативци Леандро Паредес и Науел Молина, како и членот на стручниот штаб, Роберто Ајала.

Дополнително, ФИФА ќе го испитува и неспортското однесување на „гаучосите“ за време на свечената церемонија. Имено, дел од аргентинските фудбалери демостративно ги свртеа грбовите во моментите кога новите светски шампиони, репрезентативците на Шпанија, го подигаа победничкиот пехар.

Ова е втор сериозен процес против Аргентинците на овој шампионат, откако ФИФА претходно отвори постапка и за политичкиот инцидент по полуфиналето со Англија, кога фудбалерите славеа на теренот со транспарент на кој пишуваше „Фолкландските острови се аргентински“.

Share on Facebook

Tweet

Follow us

Save