Фицо: Еден од основните услови за завршување на конфликтот е разбирањето дека Украина не може да стане членка на НАТО

Еден од основните услови за завршување на конфликтот е разбирањето дека Украина не може да стане членка на НАТО, изјави словачкиот премиер Роберт Фицо.

„Првиот и основен услов за завршување на конфликтот е разбирањето дека Украина не може да стане членка на Северноатлантската алијанса. Лесно е да се биде генерал по битка, но ќе си дозволам да се потсетам дека од првите изјави за војната во Украина, јас јасно го отфрлив членството на Украина во НАТО, иако бев критикуван за овој став“, рече Фицо во видео обраќање по онлајн самитот на лидерите на Европската унија.

Според словачкиот премиер, не е можно да се оди напред без да се разговара за територијалните промени во Украина. За потсетување, американскиот претседател Доналд Трамп се сретна со европските лидери и Володимир Зеленски во Белата куќа во понеделник, со кого разговараше за безбедносните гаранции за Украина. Трамп, исто така, најави разговори за можна размена на територии. По средбата, Трамп го повика рускиот претседател Владимир Путин и го информираше за резултатите од разговорите во Вашингтон. Американскиот претседател Доналд Трамп денес изјави дека Киев нема да може да го врати Крим или да се приклучи на НАТО.

Share on Facebook

Tweet

Follow us

Save