Фон дер Лајен во посета на Бугарија пред европските избори

Водечкиот кандидат на Европската народна партија (ЕПП) за европските избори, Урсула фон дер Лајен, оваа недела доаѓа во Бугарија, пренесе БГНЕС.

Во Пловдив, Урсула фон дер Лајен ќе учествува на специјалниот предизборен настан на ГЕРБ-СДС за да ја претстави евролистата на коалицијата. На настанот пристигна и претседателот на ЕПП, Манфред Вебер.

Предизборната манифестација ќе се одржи во Античкиот театар во Пловдив од 18 часот. На средбата за главните приоритети и политики на евролистата ГЕРБ-СДС како дел од семејството на ЕПП ќе зборува лидерот на евролистата ГЕРБ-СДС Росен Жељазков. Урсула фон дер Лајен и Манфред Вебер ќе имаат посебни обраќања до гласачите на ЕПП во Бугарија. Како своевиден домаќин на настанот, говор пред членовите и симпатизерите на партијата ќе има и лидерот на ГЕРБ Бојко Борисов.

Share on Facebook

Tweet

Follow us

Save