Фон дер Лајен: ЕУ е со народот на Венецуела и поддржува мирна транзиција на власта

ЕУ стои зад народот на Венецуела и поддржува мирна и демократска транзиција, објави на социјалните мрежи претседателката на Европската комисија Урсула фон дер Лајен.

-Ние стоиме зад народот на Венецуела и поддржуваме мирна и демократска транзиција. Секое решение мора да го почитува меѓународното право и Повелбата на ОН – рече фон дер Лајен на социјалната мрежа X.

Таа додаде дека ЕУ внимателно ја следи ситуацијата во Венецуела и им порача на граѓаните на ЕУ во таа земја дека можат да сметаат на целосна поддршка од европските институции.

САД извршија напади врз Венецуела, а претседателот Доналд Трамп објави дека венецуелскиот претседател Николас Мадуро и неговата сопруга се уапсени и изнесени од земјата.

Американските сили извршија голем напад, а операцијата за апсење на Мадуро ја спроведе елитната единица за специјални сили на американската војска, Делта Форс.

Share on Facebook

Tweet

Follow us

Save