Фон дер Лајен со предлог за мир до Путин

Претседателот на Русија Владимир Путин прво да престане да ја бомбардира Украина, па мировните преговори може да почнат следниот ден, порача шефицата на Европската комисија Урсула фон дер Лајен која дојде во Рим за време на изборната кампања за Европскиот парламент (ЕП), се сретна со млади гласачи заедно со Антонио Тајани, лидерот на Форца Италија (ФИ).

Таа на средбата зборуваше за војната меѓу Русија и Украина.

„Доколку Путин го прекине бомбардирањето, следниот ден може да се одржат мировни преговори. Но, мировниот процес мора да го водат Украинците. Нивно право е да го направат тоа“, рече претседателката на Европската комисија.

Кога Фон дер Лајен пристигнала на средбата со младите, ја пречекала група од десетина луѓе кои извикувале „Срамота“ и „Слободна Палестина“, јави Анадолија.

Share on Facebook

Tweet

Follow us

Save