Фон дер Лајен ќе го прослави Денот на Европа во Киев заедно со Зеленски

Претседателката на Европската комисија, Урсула фон дер Лајен, утре ќе престојува во посета на Киев, соопшти портпаролот на институцијата. Тој истакна дека посетата се совпаѓа со Денот на Европа – 9 мај.

Топло ја поздравуваме најавата на украинскиот претседател Володимир Зеленски дека Денот на Европа во иднина ќе се слави во Украина, додаде портпаролот. Според него, разговорите меѓу Фон дер Лајен и Зеленски ќе ги опфатат сите прашања од билатерален интерес, вклучително и подготвеноста на Киев да ги започне преговорите за пристапување во ЕУ.

Портпаролот потврди дека Европската комисија во петокот минатата недела им ги предала на земјите од ЕУ предлозите за дополнителни санкции против Москва. Тој објасни дека предлозите главно се однесуваат на примена на санкции и спротивставување на обидите за нивно заобиколување.

Share on Facebook

Tweet

Follow us

Save