INFOMAX.MK

Десетици Албанци од САД се собраа денеска во близина на зградата на Обединетите нации во Њујорк, каде што ќе се одржи седницата на Советот за безбедност на ОН за Косово, протестирајќи против „тероризмот и воинствените акции на Србија“.
Тие се незадоволни од учеството на српските претставници на седницата на Советот за безбедност на ОН.

Насобраните ги носеа знамињата на Албанија и Косово, како и на ОВК, како и знамињата на „Голема Албанија“, со контури кои ги вклучуваат не само Албанија и Косово, туку и териториите на Северна Македонија, Црна Гора и Грција.

Митингот започна со интонирање на химните на САД, Албанија и Косово.

Организаторите на оградата до паркот каде се одржува протестот развиорија знамиња на САД, Косово, Албанија, „Голема Албанија“ и ОВК. Но, тоа не ѝ се допаднало на американската полиција, која побарала да се тргнат знамињата.

Исто така, од тротоарот до паркот мораше да се отстрани и камион со „ледени“ паравани на кои наизменично се менуваа пораките против Србија, а полицијата ги отстрани и сите флаери што насобраните ги залепиле на дрвјата.

На средбата на англиски и на албански беа прочитани обвинувањата против Србија и барањето САД да дејствуваат против Белград.

Најавувајќи го собирот, организаторите ги повикаа САД и меѓународната заедница „да ги искористат сите неопходни средства за да ја принудат Србија да запре и да се воздржи од акции и политики кои ја поткопуваат стабилноста на Косово и на Балканот“.