INFOMAX.MK

На воениот аеродром во Батајница се одржа воена изложба на српската војска наречена „Штит 2022“.

На изложбата на воена опрема, фокусот беше ставен на кинескиот противвоздушен ракетен систем со среден дострел ФК-3, кој пристигна во Србија на почетокот на овој месец. Учествуваа повеќе од илјада припадници на Министерството за одбрана и армијата.

На настанот присуствуваше и претседателот Александар Вучиќ.

Притоа биле прикажани околу 60 авиони, вклучувајќи модернизирани МИГ 29СМ, опремени со нови ракети воздух-воздух со среден дострел Р-77. Станува збор за рускиот пандан на американската ракета AIM-120 AMRAAM.

-Горд сум на српската армија и нејзиниот огромен напредок, рече Вучиќ.

Тој истакна дека Србија ќе ги зајакне своите борбени воздушни сили доколку нема политички пречки и дека земјата е неутрална и дека мора да најде решенија за да го зачува своето небо и држава.

-Ќе продолжиме да инвестираме во нашата армија и да ја зајакнуваме, нагласи Вучиќ.