INFOMAX.MK

Најтрофејниот македонски клуб Вардар кој во тешка финансиска ситуација оставен само на фудбалерите и стручниот штаб бесплатно до последна капка пот се борат за да ја вратат најголемата гордост во Првата лига, за најголемиот христијански празник Велигден добија симболично пари од најверните навивачи Комити.

Кога газдата кој две години го води клубот им нема дадено денар, Комити од приходот од дербито со Гостивар, парите им ги поделија на фудбалерите, а без оглед дека повеќе станува збор за симболична сума за секој од играчите, сепак потегот е огромен и ја покажува сета синергија на играчите и навивачите, единствени преостанати да ја бранат гордоста.

И потегот на Комити за велигденскиот подарок за вардарци дојде и до светски медиуми. Порталот „Инсајд Ворлд Фудбал“, кој важи за еден од најобјективните и кој објавува светски вести поразлични од мас-медиумите, воглавно за аферите во светскиот фудбал и корпоративниот бизнис кој ја уништува „убавата игра“, сега им посвети внимание и на најверните вардарови навивачи.